Արմեն Սարգսյանը Զինված ուժերում նոր նշանակումներ է կատարել
ՀՀ նախագահ Արմեն Սարգսյանը զինված ուժերում նոր նշանակումների մասին հրամանագրեր է ստորագրել: Այս մասին հայտնեցին ՀՀ նախագահի աշխատակազմի հասարակայնության հետ կապերի վարչությունից:
ՀՀ նախագահի հրամանագրով Արայիկ Հարությունյանը նշանակվել է 2-րդ բանակային կորպուսի հրամանատար:
Նախագահի մեկ այլ հրամանագրով 4-րդ բանակային կորպուսի հրամանատար է նշանակվել Արտակ Բուդաղյանը:
ՀՀ նախագահի հրամանագրով Վալերիկ Քոչարյանը նշանակվել է ՀՀ զինված ուժերի պատրաստության գլխավոր վարչության մարտական պատրաստության վարչության պետ՝ ազատելով 4-րդ բանակային կորպուսի հրամանատարի պաշտոնից:
