«Մանչեսթեր Յունայթեդը» բաց չի թողնի Պոգբային ձմռանը
Ձմեռային տրանսֆերային պատուհանի ընթացքում «Մանչեսթեր Յունայթեդը» մտադիր չէ բաժանվել իր լիդերներից մեկից՝ Պոլ Պոգբայից: Այս մասին հայտնում է AS-ը:
Ըստ աղբյուրի՝ «կարմիր սատանաների» ղեկավարությունը մտադիր է արգելափակել 26-ամյա կիսապաշտպանի հավանական տեղափոխությունը, նույնիսկ, եթե խաղացողը ցանկանա փոխել ակումբային գրանցումը:
Այս պահի դրությամբ Պոգբան վնասվածքի պատճառով արդեն բաց է թողել թիմի վերջին 16 հանդիպումները, իսկ «Ռեալը» դեռևս հետաքրքրված է ֆրանսիացու ծառայություններով:
Ավելի վաղ հաղորդվում էր, որ «սերուցքայինները» մտադիր չեն Պոլ Պոգբայի գնման համար ավելի քան 50 միլիոն եվրո հատկացնել:
Պատրաստեց Անի Գաբուզյանը
