Մակրոնը չի հրաժարվի կենսաթոշակային բարեփոխման նախագծից, բայց պատրաստ է այն բարելավել
Ֆրանսիայի նախագահ Էմանուել Մակրոնը չի հրաժարվի կենսաթոշակային բարեփոխման նախագծից, որը համազգային գործադուլի պատճառ է դարձել, բայց պատրաստ է այն բարելավել: Այդ մասին հայտնել է BFMTV հեռուստաալիքը՝ վկայակոչելով Ելիսեյան պալատի մի աղբյուր։
«Նախագահը չի հրաժարվի բարեփոխման նախագծից: Նա չի վերաձեւի այն, բայց պատրաստ էբարելավել»,-ասել է Ֆրանսիայի ղեկավարի վարչակազմի աղբյուրը, որի խոսքը մեջբերել է հեռուստաալիքը: Ինչպես նշել են Ելիսեյան պալատում, պետության ղեկավարը հուսով է, որ Սուրբծննդյան շրջանում կհաստատվի «զինադադար» եւ կդադարեցվի գործադուլը: Մինչդեռ արհմիությունների մի շարք ներկայացուցիչներ հայտարարում էին, որ եթե կառավարությունը չհրաժարվի բարեփոխումից, ապա իրենք պատրաստ չեն դադարեցնել գործադուլը:
Սկսած դեկտեմբերի 5-ից Ֆրանսիայում համազգային գործադուլ է ընթանում կառավարության կողմից հայտարարված կենսաթոշակային բարեփոխման դեմ, որի հետեւանքով առանձին կատեգորիաների ֆրանսիացիներ, այդ թվում՝ տրանսպորտի ոլորտի աշխատողներ, կարող են զրկվել թոշակի անցնելու մի շարք արտոնություններից ու հատուկ ռեժիմներից: Գործադուլի հետեւանքով գրեթե երկու շաբաթվա ընթացքում ամբողջ երկրում զգալիորեն խախտվել է հասարակական տրանսպորտի՝ մետրոյի, էլեկտրագնացքների, գնացքների աշխատանքը: Այդ ժամանակաշրջանում բողոքի մի քանի ընդգրկուն ակցիաներ են տեղի ունեցել Փարիզում եւ Ֆրանսիայի այլ քաղաքներում, հաղորդել է ՌԻԱ Նովոստին:
