Ուկրաինան խստացրել է Ռուսաստանի հետ սահմանի հատման կանոնները
Ուկրաինայի քաղաքացիները 2020 թվականի մարտի 1-ից կկարողանան Ռուսաստանի տարածք մեկնել սոսկ արտասահմանյան անձնագրերով: Այդ մասին Telegram-ում հայտնել է երկրի վարչապետ Ալեքսեյ Գոնչարուկը։
«Ռուսաստանի տարածքից Ուկրաինայի տարածք Ուկրաինայի քաղաքացիների մուտքի դեպքում Ուկրաինայի պետական սահմանապահ ծառայությունը կիրականացնի Ուկրաինայի քաղաքացիների անարգել բացթողում ներքին անձնագրերով եւ ծննդյան վկայականներով»,- ճշտել է նա:
Այժմ տվյալներն ստուգելիս արտասահմանյան անձնագրերի տեղեկատվությունը կհամեմատվի հատուկ սարքերով. այսպիսով, կկրճատվի սահմանային հսկողությունն անցնելու ժամանակը, հաղորդել է ՌԻԱ Նովոստին:
