Գործարար Միքայել Իսրայելյանը գնել է ամերիկյան RTVi հեռուստաալիքը
Ամերիկացի գործարար Միքայել Իսրայելյանը ձեռք է բերել RTVi հեռուստաալիքի վերահսկիչ բաժնետոմսերը, հայտնում է RBC-ն՝ հղելով Reuters-ին:
Իսրայելյանը գնել է Ռուսլան Սոկոլովի բաժնետոմսերը, ում պատկանում էր RTVi-ն 2012 թվականից: Գործարարն ասել է, որ ինքը ԱՄՆ Արևմտյան ափում բիզնեսն ընդլայնելու հնարավորություններ է տեսնում՝ հեռուստադիտողների ներգրավմամբ, ովքեր ցանկանում են պահպանել իրենց կապերը ռուսական մշակութային և լրատվական օրակարգի հետ:
«Այսօր Միացյալ Նահանգներում կա մոտ յոթ միլիոն ռուսախոս մարդ, ովքեր հետաքրքրված են իրենց լեզվով ստեղծված բարձրորակ բովանդակությամբ»,- Իսրայելյանին է մեջբերում գործակալությունը:
Միքայել Իսրայելյանը ճաշարանատեր է և ձեռնարկատեր, Muse Lifestyle Group ընկերության գործադիր տնօրենը:
