«Չեմ կարծում, որ Սիմեոնեն վազում է տանն ուրախությունից». Կլոպ
«Լիվերպուլի» գլխավոր մարզիչ Յուրգեն Կլոպը մեկնաբանել է 2019/20 Չեմպիոնների լիգայի փլեյ-օֆֆի վիճակահանության արդյունքը: 1/8 եզրափակչում Կլոպի թիմը կհանդիպի Դիեգո Սիմեոնեի «Ատլետիկոյի» հետ:
«Դժվար վիճակահանություն էր, բայց, եթե նայեք զույգերին, ապա կտեսնեք, որ 1/8-ում արդեն կան չորս կամ հինգ պոտենցիալ եզրափակիչներ: Այնպես որ, ամեն ինչ լավ է. մենք ակնկալում էինք բարդ վիճակահանություն, մենք ստացանք այն:
Ես կարծում եմ՝ Դիեգո Սիմեոնեն նույնպես ուրախությունից չի վազում տանը, իմանալով, որ խաղալու է «Լիվերպուլի» հետ»,- Կլոպին է մեջբերում France 24-ը:
Պատրաստեց Անի Գաբուզյանը
