Ռուս-սիրիական զինավարժանքներ են սկսվել Միջերկրական ծովում
Ռուսաստանի ռազմածովային նավատորմը եւ Սիրիայի ռազմածովային ուժերը համատեղ զինավարժանքներ են սկսել Միջերկրական ծովում: Այդ մասին լրագրողներին հայտնել են Տարտուս նավահանգստում Ռուսաստանի ռազմածովային ուժերի բազավորման կետում։ Զորավարժություններում գործի կդրվեն ռուսական նավեր, ինքնաթիռներ «Հմեյմիմ» ավիաբազայից, հրթիռակիր կատերներ եւ Սիրիայի ռազմածովային ուժերի ականորս նավեր: Ինչպես հայտնել է զինավարժանքների ղեկավար դերծովակալ Ալեքսանդր Յուլդաշեւը, վարժանքները միտված են Ռուսաստանի եւ Սիրիայի զինված ուժերի միջեւ փոխգործակցության ընդլայնմանը՝ ապօրինի զինված կազմավորումների, միջազգային ահաբեկչության դեմ հաջող պայքարին եւ երկու երկրների միջեւ փոխգործակցության ամրապնդմանը, հաղորդել է «Ինտերֆաքսը»:
