Ռուբեն Հայրապետյանը չգիտի՝ ինչ են փնտրում իր տանը
Ինչպես արդեն տեղեկացրել ենք՝ այսօր վաղ առավոտից ՀՀ ոստիկանության հատուկ ջոկատայինները և 6-րդ վարչության աշխատակիցները խուզարկություն են իրականացնում ՀՖՖ նախկին նախագահ Ռուբեն Հայրապետյանի տանը: Հայաստանի ֆուտբոլի ֆեդերացիայի նախկին նախագահ, Ազգային ժողովի Հանրապետական խմբակցության նախկին պատգամավոր Ռուբեն Հայրապետյանն «Ազատություն» ռադիոկայանի հետ զրույցում ասել է, որ չգիտի, թե ինչ են իրավապահները փնտրում իր տանը, ու հորդորեց հարցնել նրան, ով «պատվերն իջացրել է»:
Ռուբեն Հայրապետյանի տան մոտ հավաքված են մի խումբ լրագրողներ, որոնք սպասում են պարզաբանումների:
