«Մարդիկ կան, որ կանխիկ ունեն, բայց չեն ծախսում և վարկ են վերցնում». Արմեն Փամբուխչյան
Ազգային ժողովի «Իմ քայլը» խմբակցության պատգամավոր Արմեն Փամբուխչյանը խորհրդարանում կիսվեց մինչ պատգամավոր դառնալն իր ունեցած աշխատանքային փորձով։
Փամբուխչյանը նշեց, որ ժամանակին աշխատել է վարկային տարբեր կազմակերպություններում և բանկերում, շատ լավ գիտի՝ ի՞նչ է վարկը, ուստի վստահեցնում է, որ վարկը դա ոչ ջրհեղեղ է, և ոչ էլ տարերային աղետ, ինչպես կարծում է հասարակության որոշակի հատված։
«Դա իրականում այդպես չէ։ Վարկն ունի նպատակային ուղղվածություն, թե ինչի վրա է ծախսվելու։ Կա նաև սպառողական տեսակի վարկ։ Արվում է նաև վերլուծություն, թե պետությունը կամ քաղաքացին ինչպես է դա վճարելու։ Մեզ վարկ տվող կազմակերպությունը վստահ է, որ վերլուծություն է կատարել և տեսել է, որ Հայաստանը կարող է լինել վճարունակ»,- ասաց պարտգամավորը՝ ընդգծելով, որ վարկ վերցնելն ամբողջ աշխարհում ընդունված է, և լինում են նաև դեպքեր, երբ «մարդն իր կանխիկը պահում է, չի ծախսում և վարկ է վերցնում»։
Մանրամասները՝ տեսանյութում
