«Դեռ վաղ է խոսել Պոգբայի վերադարձի մասին». Սուլշեր
«Մանչեսթեր Յունայթեդի» գլխավոր մարզիչ Օլե-Գունար Սուլշերը խոսել է կիսապաշտպան Պոլ Պոգբայի ներկայիս կարգավիճակի մասին, ով ապաքինվում է վնասվածքից և արդեն սկսել է մարզվել:
Նորվեգացի մասնագետը խոստովանել է, որ 26-ամյա կիսապաշտպանը դեռ պատրաստ չէ վերադառնալ խաղադաշտ:
«Դեռ վաղ է խոսել Պոգբայի վերադարձի մասին: Մենք հուսով ենք, որ այս տարի նա կկարողանա վերադառնալ խաղադաշտ: Նա քրտնաջան աշխատում է լավ մարզավիճակ ձեռք բերելու համար:
Նախ պետք է Պոլին հնարավորություն տալ վերականգնվել վնասվածքից, որից հետո նա ձեռք կբերի լավ մարզավիճակ և կկարողանա յուրաքանչյուր խաղի մասնակցել: Նա աշխարհի լավագույն խաղացողներից մեկն է, և մենք անհամբեր սպասում ենք նրա վերադարձին»,- Սուլշերին է մեջբերում Goal.com-ը:
Պատրաստեց Անի Գաբուզյանը
