Վալվերդեն խոսել է Մեսսիի՝ ֆուտբոլից հեռանալու մասին
«Բարսելոնայի» գլխավոր մարզիչ Էռնեստո Վալվերդեն մեկնաբանել է «Ոսկե գնդակը» ստանալուց հետո հարձակվող Լիոնել Մեսսիի հայտարարությունները:
Արգենտինացին արարողության ժամանակ ասաց, որ ֆուտբոլից հեռանալու ժամանակը մոտենում է:
«Նրա խոսքերը շատ բնական և նորմալ են թվում: Լեոն 32 տարեկան է, և չնայած կասկածում եմ, որ նա մտածում է հեռանալու մասին, տարիքը շատ բան է որոշում։
Երբ խաղացողը 30 տարեկանից բարձր է, նրա կարիերայի ավարտն ավելի մոտ է թվում, քան ճանապարհի սկզբում: Տարիների ընթացքում դա տեղի է ունենում բոլորի դեպքում: Բայց սա չի նշանակում, որ ամեն ինչ տեղի կունենա երեք օրվա ընթացքում»,- ասել է Վալվերդեն:
Սիրարփի Աղաբաբյան
