Վազգեն Մանուկյանը սկսել էր ակտիվ կերպով խախտել Հանրային խորհրդի գործունեությանն առնչվող օրենքը. «Իմքայլական» պատգամավոր
Այսօր Հանրային խորհրդի նախագահ Մազգեն Մանուկյանը հայտարարել է, որ այլևս անիմաստ է համարում Հանրային խորհրդում իր գործունեությունը, ուստի որոշել է թողնել նախագահի պաշտոնը:
ԱԺ «Իմ քայլը» խմբակցության պատգամավոր Արուսյակ Ջուլհակյանի խոսքով՝ Վազգեն Մանուկյանը սկսել էր ակտիվ կերպով խախտել Հանրային խորհրդի գործունեությանն առնչվող օրենքը, որը սահմանում է ՀԽ անդամի քաղաքական չեզոքություն:
«Կարծում եմ՝ լավ է, որ նա ընտրել է ազատ քաղաքացու ուղին, որպեսզի կարողանա ակտիվ կերպով իր քաղաքական հայտարարություններով հանդես գալ: Հանրային խորհուրդը գործում է 2000-ականներից, եթե ինձ հուշեք մեկ դեպք, երբ ՀԽ-ն իր գործունեությամբ ամրապնդել է վերին օղակների հետ կապը, ապա շնորհակալ կլինեմ»,- շեշտեց նա:
Ըստ նրա՝ հեղափոխությունից առաջ ժողովրդի և իշխանությունների միջև խորը անջրպետ կար, ինչը հեղափոխությունից հետո զրոյացվել է, և այսօր, ավելի քան երբևէ, ժողովուրդը կապված է իշխանությունների հետ, ուստի անիմաստ է ասել, թե ՀԽ-ն փորձ է արել ժողովրդին կապել իշխանությունների հետ:
Նրա բնորոշմամբ՝ Վազգեն Մանուկյանի հրաժարականով ուրախանալու կամ տխրելու պատճառ չունի, ավելին, նրա հրաժարականը գնահատում է՝ որպես ճիշտ քայլ:
Մանրամասները՝ 168.am-ի տեսանյութում
Զվարթ Խաչատրյան
