Մնացել ենք քարից հաց քամելու հույսին. Սառնաղբյուրի բնակիչ
Tsayg.am-ը գրում է. Անի խոշորացված համայնքի Սառնաղբյուր բնակավայրում բերքահավաքը մեկնարկել է: Գյուղացին, սակայն, չի ստանում այն արդյունքը, որն ակնկալում էր բերքը ցանելիս: Պատճառը ոռոգման ջրի բացակայությունն է: Սառնաղբյուրի ջրամբարի պոմպն անսարք է: Առանց դրա էլ ոռոգում իրականացնել հնարավոր չէր: Սառնաղբյուրի ջրամբարը սպասարկում է նաեւ Մարալիկ եւ Ձորակապ համայնքները, սակայն այստեղ ջուրն ինքնուրույն է հոսում եւ պոմպակայանի անհրաժեշտություն չկա: Իսկ Սառնաղբյուրում ակնկալում են, որ այս ամիսներին կլուծվի պոմպակայանի հարցը՝ հաջորդ ամռանը ոռոգումը կանոնավոր իրականացնելու համար:
