Նիկոլ Փաշինյանը տնտեսական ցուցանիշներ է ներկայացրել
Հայաստանի Հանրապետության վարչապետ Նիկոլ Փաշինյանը ներկայացրել է հուլիս ամսվա տնտեսական ցուցանիշները՝ ընդգծելով, որ կառավարությունն առաջ է շարժվում բավականին լավ տեմպով: ՀՀ վարչապետը գրառում է կատարել «Ֆեյսբուք»-ի իր էջում:
«Հուլիսի տնտեսական թվերը բավական տպավորիչ են ստացվել: Ունենք Տնտեսական ակտիվության ցուցանիշ՝ 8.1 տոկոս: Սա հրաշալի թիվ է:
Բացի դա՝
Արդյունաբերական արտադրանքի ծավալի աճ՝ 16.1 տոկոս,
Շինարարության աճ՝ 4.1 տոկոս,
Առեւտրի շրջանառության աճ՝ 9.1 տոկոս,
Ծառայությունների աճ՝ 14.9 տոկոս,
Միջին անվանական աշխատավարձի աճ՝ 8 տոկոս,
Արտահանման աճ՝ 19.5 տոկոս:
Սրանք իսկապես շատ լավ թվեր են: Հասկանալի է, որ սա չի նշանակում, թե մենք բոլոր հարցերը լուծել ենք: Սա նշանակում է, որ առաջ ենք շարժվում: Բավականին լավ տեմպով»,- գրել է վարչապետը:
