Ըմբիշ Արթուր Շահինյանը հաղթել է Լեհաստանի միջազգային մրցաշարում
Լեհաստանի մայրաքաղաք Վարշավայում ընթացող ըմբշամարտի միջազգային մրցաշարում 87 կգ քաշային Արթուր Շահինյանը դարձել է ոսկե մեդալակիր: Այս մասին հայտնում է ՀԱՕԿ-ը:
Մինչև 87 կգ քաշային կարգի հայկական եզրափակիչում Շահինյանը հանդիպել էր Մաքսիմ Մանուկյանի հետ։ Գոտեմարտի վերջին վայրկյաններին հաշիվը 2։1 էր՝ հօգուտ Մանուկյանի։ Շահինյանը Մանուկյանին դուրս հրեց մրցագորգից։ Մրցավարը 2 միավոր-նկատողություն տվեց Մանուկյանին՝ պայքարից խուսափելու համար։ Մանուկյանն ընկավ և այլևս չկարողացավ շարունակել պայքարը։
Արթուր Շահինյանը նվաճեց ոսկե մեդալ, Մաքսիմ Մանուկյանը` արծաթե մեդալ, իսկ 60 կգ քաշային կարգում Գևորգ Ղարիբյանը դարձավ բրոնզե մեդալակիր:
Օգոստոսի 4-ին 72 կգ քաշային կարգում ոսկե մեդալ է նվաճել Մալխաս Ամոյանը:
