Շվեդիայի քաղաքներից մեկում թույլատրել են զբաղվել մուրացկանությամբ
Շվեդիայի Էսկիլստունա քաղաքի իշխանությունները երկրում առաջին անգամ սահմանել են մուրացկանության դեմ պայքարի նոր միջոցներ. այժմ քաղաքի առանձին շրջաններում «փողի պասիվ հանգանակության» համար հարկավոր կլինի ստանալ ոստիկանության թույլտվությունը: Այդ մասին հաղորդվում է մունիցիպալիտետի կայքում:
Էսկիլստունայում «փողի պասիվ հանգանակության» թուլտվության արժեքը կազմում է 250 շվեդական կրոն (25 եվրո), այն կարելի է ստանալ ոստիկանությունում: Հայտատուն պետք է երկրի տարածքում գտնվի օրինականորեն եւ ունենա սոցիալական ապահովության շվեդական համար: Նոր կանոններն ուժի մեջ են մտել օգոստոի 1-ից: Տեղական Eskilstuna-Kuriren հրատարակության տվյալներով՝ թույլտվության ոչ մի խնդրագիր ոստիկանությունն առայժմ չի ստացել:
«Մենք բյուրոկրատացնում ենք գործընացը, որպեսզի այն առավելագույնս բարդացնենք»,- մեջբերում է հրատարակությունը քաղաքային վարչակազմի ներկայացուցիչ Ջիմի Յանսոնին: Մուրացկանությունը Շվեդիայում արգելված չէ պետական մակարդակով, այդ գործընթացի կարգավորումը մնում է տեղական վարչակազմի հայեցողությանը, հաղորդել է ՌԻԱ Նովոստին:
