«Մարտի 1»-ի գործով քննչական խմբի ղեկավար Հրաչյա Մուշեղյանը՝ արդեն ՀՔԾ վարչության պետի տեղակալ
168.am-ին հետաքրքիր մանրամասներ են հայտնի դարձել «Մարտի 1»-ի գործով քննչական խմբի ղեկավար Հրաչյա Մուշեղյանի կարիերային առաջխաղացման վերաբերյալ։
Մեր տեղեկություններով՝ Հատուկ քննչական ծառայության (ՀՔԾ) ընդհանուր բնույթի հանցագործությունների քննության վարչության հատկապես կարևոր գործերի ավագ քննիչ Հրաչյա Մուշեղյանը նշանակվել է Կոռուպցիոն, կազմակերպված և պաշտոնեական հանցագործությունների քննության վարչության պետի տեղակալ։
Հավանաբար ՀՔԾ-ում գնահատել են երիտասարդ քննիչի՝ այդ ծանր գործի քննությունը հանձն առնելն ու, թերևս, գոհ են նրանից։
Քանի որ ՀՔԾ մամլո խոսնակն արձակուրդում էր, մենք չկարողացանք լուրը պաշտոնապես ճշտել նրանից։
