ՄԱԳԱՏԷ-ի նոր գլխավոր տնօրենը պաշտոնը կստանձնի 2020 թվականի հունվարի 1-ից ոչ ուշ
Ատոմային էներգիայի միջազգային գործակալության (ՄԱԳԱՏԷ) գլխավոր տնօրենի պաշտոնի թեկնածուների առաջադրումը կտեւի մինչեւ 2019 թվականի սեպտեմբերի 5-ը, կազմակերպության նոր ղեկավարը պաշտոնը կստանձնի մինչեւ 2020 թվականի հունվարի 1-ը: Օգոստոսի 1-ին այս մասին հայտնել է Վիեննայում միջազգային կազմակերպություններին կից Ռուսաստանի մշտական ներկայացուցիչ Միխայիլ Ուլյանովը:
ՄԱԳԱՏԷ-ի Կառավարիչների խորհուրդը որոշել է, որ պետությունները կարող են գլխավոր տնօրենի պաշտոնի թեկնածուներ առաջադրել մինչեւ սեպտեմբերի 5-ը: Այնուհետեւ կանցկացվեն կոնսուլտացիաներ եւ ռեյտինգային քվեարկություններ՝ ընտրությունները մինչեւ հոկտեմբերի վերջն ավարտելու միտումով: Նոր գլխավոր տնօրենը պետք է պաշտոնն ստանձնի հունվարի 1-ից ոչ ուշ»,- գրել է դիվանագետը Twitter-ի իր էջում, հաղորդել է ՏԱՍՍ-ը:
