Համահայկական խաղերի մասնակիցները կազատվեն ՀՀ մուտքի արտոնագրի պետտուրքի վճարից
Արցախում անցկացվող Համահայկական ամառային 7-րդ խաղերի համար Հայաստան ժամանած օտարերկրյա քաղաքացիները կազատվեն մուտքի արտոնագրի պետական տուրքի վճարումից: Այդ մասին որոշումն ընդունվեց կառավարության օգոստոսի 1-ի նիստում:
Փոխվարչապետ Տիգրան Ավինյանն ասաց, որ սա աննախադեպ միջոցառումների շարք է, որի բացումը լինելու է Ստեփանակերտում:
«Կարծում եմ, միայն այն փաստը, որ նման մասշտաբի միջոցառում կարողանալու ենք կազմակերպել Արցախում, աննախադեպ է ու հետագայում նույնպես դա հնարավորություն կտա էլ ավելի մեծ մասշտաբի միջոցառումներ ունենալ այնտեղ», – նշեց Տիգրան Ավինյանը:
