Մարմաշենի վանքն աղբով է պատվել
Tsayg.am-ը գրում է. Մարմաշենի միջնադարյան վանքը գտնվում է Շիրակի մարզի Մարմաշեն գյուղից մոտ 2կմ հյուսիս-արևմուտք, Ախուրյան գետի ձախ ափին։ Վանքի գլխավոր՝ Կաթողիկե եկեղեցին, ըստ հարավային պատի արձանագրության, կառուցել է իշխան Վահրամ Պահլավունին՝ 988-1029թթ.-ին։ Եկեղեցին այսօր հայտնի ուխտատեղի է դարձել:
Իր յուրահատուկ ճարտարապետությամբ այն իր կողմն է ձգում հազարավոր զբոսաշրջիկների: Սակայն հուշակոթողին կից այգիներում ու հանգստավայրերում աղբահանության խնդիր կա: Ամեն քայլափոխի կարելի է հանդիպել աղբի կուտակումների, որ ոչ մեկ, ոչ էլ երկու օրվա առաջացած ծածկույթ է:
