Օմանի ծոցում Front Altair լցանավի վրա հրդեհը մարվել է
Օմանի ծոցում նորվեգական Front Altair լցանավի վրա հրդեհը մարվել է, աղտոտում տեղի չի ունեցել: Այդ մասին ասված է նավի սեփականատեր Frontline ընկերության հայտարարության մեջ, որը հունիսի 14-ին մեջբերել է Al Jazeera հեռուստաալիքը:
«Կրակը Front Altair լցանավում հաջողվել է մարել: Բնապահպանությանը վնաս չի հասցվել»,- նշված է հայտարարության մեջ: Ներկայում Front Altair-ն ընթանում Է դեպի Իրանի Բենդեր Աբաս նավահանգիստ:
Նավի վրա գտնվում էին Ռուսաստանի 11 քաղաքացիներ, Ֆիլիպինների 11 քաղաքացիներ եւ Վրաստանի մեկ քաղաքացի:
Հունիսի 13-ին Օմանի ծոցում երկու լցանավերի վրա ենթադրյալ հարձակումից հետո տեղի են ունեցել պայթյուններ եւ հրդեհներ, պատահարի պատճառները պարզվում են, հաղորդել է ՏԱՍՍ-ը:
