«Յուվենթուսը» Սարիի վերաբերյալ պայմնավորվածություն է ձեռք բերել
Լոնդոնի «Չելսիի» գլխավոր մարզիչ Մաուրիցիո Սարին մոտ է Թուրինի «Յուվենթուսը» գլխավորելուն: Ինչպես հաղորդում է լրագրող Ջանլուկա դի Մարցիոյի կայքը, ակումբները համաձայնության են եկել 60-ամյա մասնագետի տրանսֆերի հարցում:
«Յուվենթուսը» պարտավորվում է վճարել «Չելսիին» փոխհատուցում, որը կներառի ֆիքսված գումար և բոնուսներ՝ ձեռքբերումների համար: Այժմ թուրինցիների մարզական տնօրեն Ֆաբիո Պարատիչին լոնդոնյան ակումբի տնօրենի հետ համաձայնեցնում է գործարքի վերջին մանրամասները:
Սպասվում է, որ Սարին պաշտոնապես կհեռանա «Չելսիից» արդեն այսօր՝ հունիսի 14-ին: Դրանից հետո իտալացի մասնագետը կկարողանա պայմանագիր կնքել «Յուվենթուսի» հետ:
Պատրաստեց Անի Գաբուզյանը
