Պատահար Վեդի-Ոսկետափ ավտոճանապարհին. վարորդն հոսպիտալացվել է
Հունիսի 6-ին, ժամը 03:07-ին «911» ծառայությանն ահազանգ է ստացվել, որ Արարատի մարզում՝ Վեդի-Վանաշեն ավտոճանապարհին, տեղի է ունեցել ՃՏՊ. անհրաժեշտ է փրկարարների օգնությունը:
Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Պարզվել է, որ Վեդի-Ոսկետափ ավտոճանապարհի 1-ին կմ-ի մոտակայքում «Nissan Teana» մակնիշի ավտոմեքենան (վարորդ՝ Տ.Ժ., ծնված 1990 թ.) բախվել է բետոնե էլեկտրական սյանը:
Մինչ փրկարարների՝ կանչի վայր հասնելը Տ.Ժ.-ն հոսպիտալացվել է Վեդու ԲԿ, որտեղ բժիշկները տուժածի առողջական վիճակը գնահատել են բավարար:
Փրկարարները հոսանքազրկել են ավտոմեքենան և փակել գազի բալոնի փականը:
