Ռամոսը շահավետ առաջարկ է ստացել Չինաստանից և խնդրել է իրեն անվճար բաց թողնել
«Ռեալի» ավագ Սերխիո Ռամոսը ցանկանում է լքել ակումբը:
Ըստ El Chiringuito-ի տեղեկությունների՝ իսպանացին խնդրել է «Սերուցքայինների» ղեկավարությանն իրեն անվճար բաց թողնել, քանի որ եկամտաբեր առաջարկ է ստացել Չինաստանից: 33-ամյա Սերխիոն իր խնդրանքը բարձրաձայնել է Ֆլորենտինո Պերեսի հետ անձնական զրույցի ընթացքում:
«Ռեալում», սակայն, հայտարարել են, որ Ռամոսը չի կարող լքել ակումբը:
Ռամոսի պայմանագիրը «Ռեալի» հետ նախատեսված է մինչև 2021 թվականը: Ֆուտբոլիստը հանդես է գալիս ակումբի կազմում 2005 թվականից:
Պատրաստեց Անի Գաբուզյանը
