«Կոմունալ ծառայության ստորաբաժանումները նույնպես բերված են պատրաստության». Երևանի քաղաքապետարանը՝ սպասվող տեղումների մասին
«Վեոլիա ջուր» ՓԲԸ-ն հաղորդագրություն էր տարածել, որտեղ հղում անելով ՀՀ ԱԻՆ օդերևութաբանական ծառայության պետ Գագիկ Սուրենյանին՝ նշել էր, որ այսօր, հատկապես կեսօրից հետո, և մայիսի 5-ի գիշերը սպասվող եղանակային կտրուկ իրավիճակով պայմանավորված՝ հնարավոր են անձրևաջրերի կուտակումներ Երևանում: «Վեոլիա ջուրը» տեղեկացրել էր նաև, որ աշխատելու է հատուկ ռեժիմով:
168.am-ը կապ հաստատեց Երևանի քաղաքապետի մամուլի խոսնակ Հակոբ Կարապետյանի հետ՝ ճշտելու՝ արդյո՞ք քաղաքապետարանի կոմունալ ծառայությունը նույնպես հատուկ ռեժիմով է աշխատելու։ Կարապետյանը փոխանցեց Երևանի քաղաքապետարանի կոմունալ ծառայության պատասխանատուի վստահեցումը. «Կոմունալ ծառայության ստորաբաժանումները նույնպես բերված են պատրաստության»։
Զարուհի Դիլանյան
