Պատմաբան-ցեղասպանագետ Սալեհ Զահրեդդինի այցելել է Լիբանանում ՀՀ դեսպանություն
Լիբանանում ՀՀ դեսպանություն է այցելել լիբանանցի պատմաբան-ցեղասպանագետ Սալեհ Զահրեդդինը (Saleh Zahreddin), ով հանդիսանում է Հայոց ցեղասպանության, Հայաստանի և հայ-լիբանանյան բարեկամական կապերի վերաբերյալ բազմաթիվ գրքերի և հրապարակումների հեղինակ:
Հանդիպման ընթացքում Լիբանանում ՀՀ դեսպան Վահագն Աթաբեկյանը շնորհակալություն է հայտնել Սալեհ Զահրեդդինին իր նվիրական և մասնագիտական արհեստավարժ աշխատանքի, այդ թվում՝ Հայոց ցեղասպանության վերաբերյալ բազմաթիվ հրապարակումների համար, որը շատ կարևոր նշանակություն ունի քաղաքագիտության և պատմագրության շրջանակներում: Դեսպան Աթաբեկյանն իր խոսքում ավելացրել է, որ հայ ժողովուրդը հիրավի երախտապարտ է Լիբանանին՝ արաբական աշխարհում առաջինը Հայոց ցեղասպանությունը ճանաչելու համար:
Հանդիպման ընթացքում զրուցակիցներն ընդգծել են Անկարայի՝ Հայոց ցեղասպանության վերաբերյալ վերջին պաշտոնական հայտարարությունների, համամարդկային արժեքների ոտնահարման և պատմական փաստերի խեղաթյուրման և աղավաղման անընդունելիությունը:
