Դավիթ Սանասարյանը կանխամտածված կամ չարամտությամբ չէր կարող վնաս պատճառել պետությանը. Մարիա Կարապետյան
ԱԺ «Իմ քայլը» խմբակցության պատգամավոր Մարիա Կարապետյանը ներքին համոզմունք ունի, որ ՊՎԾ ղեկավար Դավիթ Սանասարյանը կանխամտածված կամ չարամտությամբ չէր կարող վնաս պատճառել պետությանը:
Սակայն, ինչպես այսօր ԱԺ-ում լրագրողների հետ զրույցում նշեց Կարապետյանը, միաժամանակ վստահ է, որ նոր Հայաստանում իրավապահները որևէ մեկի դեմ շինծու մեղադրանք չեն առաջադրի:
«Պետք է սպասել, մինչև գործողությունները զարգանան, մեզ տեղեկացնեն ինչի մասին է խոսքը, ինչ ապացույցներ կան»,- ասաց Կարապետյանը:
