Ի՞նչ կընտրի Պոգբան՝ «Ռեա՞լ», թե՞ «Բարսելոնա»
Պոլ Պոգբայի շուրջ խոսակցությունները չեն դադարում: Չնայած այն նորություններին, որ Պոգբան կմնա մանչեսթերյան ակումբում, լրագրողներն ու ինսայդերները շտապում են ֆուտբոլիստին տեղափոխել իսպանական գրանդներից մեկը:
Խոսակցությունները ակտիվացան այն բանից հետո, երբ Պոգբան խոսեց երկու ակուբների մասին:
Պոգբան՝ մադրիդյան ակումբի մասին.
«Ինչպես ես միշտ ասել եմ, «Ռեալ Մադրիդը» բոլորի երազանքն է, աշխարհի ամենախոշոր ակումբներից մեկը:
Զիդանը մարզում է այս թիմը, և դա երազանք է բոլորի համար, ովքեր սիրում են ֆուտբոլը:
Հիմա ես «Մանչեսթեր Յունայթեդում» եմ: Մենք չգիտենք, թե ինչ է մեզ սպասում ապագայում: Ես «Մանչեսթեր Յունայթեդում» եմ և ես երջանիկ եմ»,- ասել է Պոգբան:
Պոգբան՝ կատալոնական ակումբի և Չեմպիոնների լիգայի մասին.
««Բարսելոնան» մի թիմ է, որին ես միշտ հետևում եմ: Միշտ կարող ես սովորել, որպես կիսապաշտպան, ես սիրում եմ ֆուտբոլ դիտել: Նրանց համակարգը, մշակույթը, դա կարող է օգնել ինձ:
«Բարսելոնան» հիանալի թիմ է, աշխարհի լավագույններից մեկը: Այս թիմում են բացառիկ ֆուտբոլիստներ …
Այս խաղում ես ուզում եմ զվարճանալ: Միշտ հաճելի է խաղալ աշխարհի լավագույն թիմերից մեկի դեմ:
Չեմպիոնների լիգայի եզրափակիչում ես պարտվեցի
«Բարսելոնային» (2015-ին, երբ Պոգբան խաղում էր «Յուվենթուսի» կազմում), բայց միշտ հաճելի է խաղալ լավագույնների դեմ»,- ասել է Պոգբան:
Սիրարփի Աղաբաբյան
