ԱՄՆ-ն շարունակելու է Boeing 737 MAX-ի շահագործումը
ԱՄՆ-ի Քաղաքացիական ավիացիայի դաշնային վարչությունը (FAA) կշարունակի օգտագործել Boeing 737 MAX ինքնաթիռները: Դա հետեւում է գերատեսչության կայքում հրապարակված հայտարարությունից:
«Մինչ օրս մեր զննությունը համակարգային խնդիրներ չի բացահայտել եւ հիմքեր չի տալիս օդանավերի շահագործումը դադարեցնելու հրամանի համար»,- ասված է հաղորդագրության մեջ:
Ինչպես տեղեկացվել է, տասնյակ երկրներ Boeing 737 MAX 8 ընտանիքի ինքնաթիռների թռիչքների ժամանակավոր արգելք են սահմանել այն բանից հետո, երբ այդ մոդելի ավիահանրանավը աղետի ենթարկվեց Եթովպիայում:
Boeing 737 MAX 8 ավիահանրանավի, ինչպես նաեւ Boeing 737 MAX 9-ի շահագործման արգելքի մասին մարտի 12-ին հայտարարել է Եվրոպայի ավիացիոն անվտանգության գործակալությունը:
Այդպիսով, այդ երկու տիպի ինքնաթիռների թռիչքները ժամանակավորապես արգելված են Եվրամիության ամբողջ օդային տարածությունում, հաղորդել է «Ինտերֆաքսը»:
