Բռնցքամարտի Հայաստանի երիտասարդական թիմի 2 ներկայացուցիչ Եվրոպայի առաջնության քառորդ եզրափակչում է
Բռնցքամարտի Հայաստանի երիտասարդական թիմի անդամները շարունակում են հաջող ելույթները Եվրոպայի առաջնությունում:
Վլադիկավկազում ընթացող բռնցքամարտի Եվրոպայի 18-22 տարեկանների առաջնության մրցումային հերթական օրը ռինգ դուրս եկած Հայաստանի 4 ներկայացուցիչներից 2-ը հաղթել են եւ դուրս եկել քառորդ եզրափակիչ:
Ժորժիկ Մարությանն ու Վախթանգ Հարությունյանը հաղթել են, իսկ Էրիկ Թոխյանն ու Գառնիկ Պապիկյանը պարտություն են կրել: Այսպիսով, Եվրոպայի 18-22 տարեկանների առաջնությունում պայքարը շարունակում է Հայաստանի 6 ներկայացուցիչ:
