««Ռեալն» ավելի լավն է դարձել, «Բարսելոնային» դժվար կլինի երկրի գավաթի կիսաեզրափակչում». Վալվերդե
«Բարսելոնայի» գլխավոր մարզիչ Էրնեստո Վալվերդեն կիսվել է Իսպանիայի գավաթի կիսաեզրափակիչ խաղերի սպասումներով:
«Գերազանց հակամարտություն կլինի, երկու մեծ խաղ: Երկու թիմերն էլ պայքարելու են ամենաբարձր արդյունքի համար: Դա նշանակում է, որ մեզ վրա լրացուցիչ ծանրություն կա: Սակայն, կարծում եմ՝ այս եզրափակիչը դուր կգա երկրպագուներին: Հետաքրքիր կլինի տեսնել՝ արդյո՞ք «Բարսելոնան» կկարողանա դուրս գալ եզրափակիչ: Լա Լիգայում «Ռեալը» լավ հանդես չէր գալիս, բայց հիմա Սոլարիի թիմն ավելի լավն է դարձել, և մեզ համար դժվար կլինի»,- Վալվերդեին է մեջբերում Marca-ն:
Իսպանիայի գավաթի կիսաեզրափակիչ առաջին խաղերը տեղի կունենան փետրվարի 6-ին: Պատասխանները՝ փետրվարի 27-ին:
Պատրաստեց Անի Գաբուզյանը
