«Որպես ՀՀ «թասիբ» ունեցող քաղաքացի՝ միայն կարող եմ ասել, որ այդ գումարը, որը ստացել եմ, ինձ համար որևէ բարոյական բեռ չեղավ». Արթուր Մեսչյանը՝ պարգևավճարի մասին
Երևանի գլխավոր ճարտարապետ Արթուր Մեսչյանը լրագրողների հետ հանդիպման ընթացքում անդրադառնալով գերատեսչություններում աղմուկ բարձրացրած պարգևավճարներին՝ խոստովանեց, որ տեղյակ չէ, թե քաղաքապետարանից իր հավեհամարին որքան գումար են փոխանցել, սակայն լավ գիտի, թե տվյալ գումարն ինչ է արել։
«Թե ինչ եմ արել այդ գումարը՝ ձեզ չեմ ասի, այսինքն, թե ինչով եմ զբաղվում իմ կյանքում, չնայած այս բառից զզվում եմ՝ բարեգործություն, այս մասին չեմ խոսում։ Ինչպես ասում են, այդ գումարն ինչպես եկավ, այնպես էլ գնաց։ Երբևէ չեմ ասել, բայց պետք է ասեմ՝ այդ գումարը, որը փոխանցել էին իմ հաշվեհամարին, չի նշանակում, որ իմ մեկ սենյականոց բնակարանից տեղափոխվեց չորս սենյականոց բնակարան, 1994 թվականի մեքենան դարձավ «Մերսեդես բենց» մակնիշի, և այլն։ Ես ասում եմ, որ Երևանում պետք է մաքսիմում քիչ տեղ զբաղեցնեմ՝ մեքենայով, բնակարանով և ամեն ինչով։ Այսինքն՝ գիտեմ՝ ինչ եմ արել այդ գումարը և գիշերը հանգիստ քնում եմ։ Որպես ՀՀ «թասիբ» ունեցող քաղաքացի՝ միայն մի բան կարող եմ ասել, որ այդ գումարը, որը ստացել եմ, ինձ համար որևէ բարոյական բեռ չեղավ»,- ասաց Ա. Մեսչյանը։
Նրա բնորոշմամբ՝ պարգևավճարների վերաբերյալ աղմուկը շատ էր։
Մանրամասները՝ 168.am-ի տեսանյութում
Զվարթ Խաչատրյան
