«Չանե-4» ապարատը մարդկության պատմության մեջ առաջին կենսաբանական գիտափորձն է կատարել Լուսնի վրա
Չինական «Չանե-4» ապարատը, որն ավելի վաղ փափուկ վայրէջք է կատարել Լուսնի հակառակ կողմում, հաջողությամբ իրականացրել է մարդկության պատմության մեջ առաջին կենսաբանական գիտափորձը Լուսնի մակերեւույթին: Այդ մասին հայտնել է Չինաստանի Կենտրոնական հեռուստատեսությունը:
Հեռուստաալիքի տվյալներով՝ ապարատը հունվարի 15-ին ուղարկել է կենսաբանական փորձարկային բեռնվածության լուսանկարներ:
Լուսանկարները ցույց են տալիս, որ բամբակենու առկա սերմերում արդեն բողբոջներ են հայտնվել: Դա նշանակում է, որ «Չանե-4»-ն իրականացրել է մարդկության պատմության մեջ առաջին կենսաբանական գիտափորձը Լուսնի մակերեւույթին, հաղորդել է ՌԻԱ Նովոստին:
