«Իմ քայլը» դաշինքը քարոզարշավը կսկսի Արագածոտնի և Շիրակի մարզերից. Նիկոլ Փաշինյան
Արտահերթ խորհրդարանական ընտրություններին քարոզարշավը «Իմ քայլը» դաշինքը սկսելու է Արագածոտնի և Շիրակի մարզերից: Այս մասին ֆեյսբուքյան իր էջում ուղիղ եթերով հայտարարեց վարչապետի պաշտոնակատար Նիկոլ Փաշինյանը:
«Ես, իհարկե, ակտիվորեն պետք է մասնակցեմ քարոզարշավին»,- ասաց նա:
Վարչապետի պաշտոնակատարը նշեց, որ վաղը՝ ժամը 11:00-ին, լինելու են Արագածոտնի մարզի Թալին քաղաքում, այնուհետև ժամը 13:30-ին կլինեն Մարալիկ քաղաքում, իսկ հետո՝ 15:00-ին, կլինեն Արթիկում, ժամը 17:00-ին արդեն Գյումրիում:
«Բոլոր դեպքերում էլ հանդիպումները տեղի են ունենալու քաղաքների կենտրոնական հատվածներում»,- ասաց նա:
Վաղը ժամը 11.00 Թալինում ենք, 13.30 Մարալիկում, 15.00 Արթիկում, 17.00 Գյումրիի Վարդանանց հրապարակում:
Gepostet von Nikol Pashinyan / Նիկոլ Փաշինյան am Sonntag, 25. November 2018
