Սիլվա Համբարձումյանի գործով Արամ Հարությունյանը որևէ կարգավիճակ չունի. Սասուն Խաչատրյան
ՀՀ Հատուկ քննչական ծառայության պետ Սասուն Խաչատրյանը հաստատում է, որ գործարար Սիլվա Համբարձումյանի մասով ՀՔԾ-ում քննվում է քրեական գործ: Այս մասին ՀՔԾ պետն ասաց կառավարությունում լրագրողների հետ զրույցում:
Հարցին, արդյոք այդ գործով որևէ դատավարական կարգավիճակ ունի ԱԺ պատգամավոր Արամ Հարությունյանը, ՀՔԾ պետը պատասխանեց. «Ո՛չ, չունի»։
Հոկտեմբերի 7-ին գործարար Սիլվա Համբարձումյանը հրավիրվել էր Հատուկ քննչական ծառայություն՝ որպես կասկածյալ հարցաքննության համար, այնուհետև նա դարձել էր վկա։
Համբարձումյանը հարցաքննվել է Մարտի 1-ի քրեական գործի նախաքննության շրջանակներում։
Ավելի ուշ հայտնի է դարձել, որ Համբարձումյանը հանցագործության մասին հաղորդում էր ներկայացրել ՀՀ գլխավոր դատախազություն՝ ԱԺ ՀՀԿ խմբակցության պատգամավոր Արամ Հարությունյանի կողմից կաշառք վերցնելու վերաբերյալ։
