Թուրք հաքերները կիբեռ հարձակում են գործել 700 կայքի վրա
Թուրք հաքերները Թուրքիայի Հանրապետության հիմնադրման 95-րդ տարելիցի կապակցությամբ կիբեռ հարձակում են գործել Թուրքիայի դեմ թշնամաբար տրամադրված 700 կայքի վրա:
Թուրքիայի սիրահար հաքերների խումբը իրեն կոչել է «Turkz»: Գրոհել են ԱՄՆ-ին պատկանող հարյուրավոր կայքեր, քանի որ ԱՄՆ-ն Թուրքիայի նկատմամբ պատժամիջոցներ էր սահմանել:
«Turkz» հաքերների խումբը թիրախավորել է նաև այն կայքերին, որոնք Թուրքիայում ահաբեկչական համարվող «Քուրդիստանի բանվորական կուսակցության» (ՔԲԿ/PKK) օգտին քարոզչություն են իրականացնում, ինչպես նաև անդրադառնում հայկական հարցին:
«Turkz» խումբը կիբեռ հարձակում է գործել ՔԲԿ-ին հարող լրատվական կայքերի վրա և ոչնչացրել մի շարք օգտատերերի հաշիվներ:
