Վարկի տրամադրում հաշված վայրկյանների ընթացքում Արդշինբանկի Մոբայլ բանկինգ հավելվածի միջոցով
Կատարելագործելով իր հեռահար սպասարկման ծառայությունները՝ Արդշինբանկն ընձեռում է հնարավորություն իր ֆիզիկական անձ հաճախորդներին ստանալ վարկ հաշված վայրկյանների ընթացքում՝ առանց Բանկ այցելելու: Հավելվածի միջոցով հնարավոր է դիմել մինչև 1,1 մլն ՀՀ դրամ սահմանաչափով և մինչև 10 տարի մարման ժամկետով անգրավ սպառողական վարկ ստանալու համար: Որոշման կայացման և վարկի տրամադրման գործընթացներն իրականացվում են անմիջապես:
Արդշինբանկի Մոբայլ բանկինգ հավելվածի միջոցով հաճախորդներն իրականացնում են բանկային գործարքներ աշխարհի ցանկացած կետից 24/7 ռեժիմով: Հավելվածը թույլ է տալիս ընդամենը մի քանի քայլի միջոցով իրականացնել դրամական փոխանցումներ, վճարումներ, վարկերի մարումներ և ավանդների համալրում:
Հիշեցնենք, որ ստանդարտ բանկային գործարքներն իրականացնելուց բացի, հավելվածը հնարավորություն է տալիս օգտվել այնպիսի առավելություններից, ինչպիսին են արտարժույթի փոխարկումը արտոնյալ սակագներով, քարտի սահմանաչափերի փոփոխումը, քարտի բլոկավորում/ապաբլոկավորումը և շատ ավելին: Հավելվածը հեշտ և անվտանգ միջոց է կառավարելու սեփական հաշիվները և հետևելու ծախսերին:
Մոբայլ բանկինգ անվճար ծառայությունից օգտվելու համար անհրաժեշտ է Android կամ iOS օպերացիոն համակարգերով բեռնել «Արդշինբանկ» հավելվածը և այցելել Բանկի 63 մասնաճյուղերից ցանկացածը՝ լրացնելու համապատասխան դիմումը:
***
Լինելով ֆինանսաբանկային համակարգում խոշորագույն հարկատուներից մեկը՝ Արդշինբանկը Հայաստանի միակ մասնավոր ընկերությունն է, որը միջազգային կապիտալի շուկաներում թողարկել է եվրոպարտատոմսեր և ունի միջազգային հեղինակավոր վարկանիշային գործակալություններից ստացված վարկանիշ՝ հավասար Հայաստանի Հանրապետության վարկանիշային մակարդակին: Global Finance ամերիկյան հեղինակավոր ամսագիրն Արդշինբանկին ճանաչել է 2018թ. «Տարվա լավագույն բանկը Հայաստանում:
