«Ես ինձ տեսնում եմ այդ պաշտոնում». Արթուր Վանեցյանը՝ ՀՖՖ նախագահի պաշտոնը զբաղեցնելու մասին
«Ես պատրաստ եմ ստանձնել Հայաստանի ֆուտբոլի ֆեդերացիայի նախագահի պաշտոնը։ Ես ինձ տեսնում եմ այդ պաշտոնում»,- այսօր ՀՖՖ տեխնիկական կենտրոնում՝ ֆուտբոլի ակադեմիայում լրագրողներին այս մասին ասաց ԱԱԾ պետ Արթուր Վանեցյանը։
Հարցին՝ ԱԱԾ-ում իր աշխատանքը չի՞ տուժի՝ նոր պաշտոնը զբաղեցնելուց հետո, նա պատասխանեց՝ ոչ. «Ընտրություններից հետո բրիֆինգ է նախատեսված, այդ ժամանակ բոլոր հարցերին կպատասխանեմ»։
Լրագրողներին Վանեցյանը հորդորեց հետևել իր ելույթին՝ ընդգծելով՝ շատ լավ ելույթ է պատրաստել. «Ելույթիցս հետո եթե հարցեր մնան, բոլոր հարցերին կպատասխանեմ»։
Գաղտնալսման վերաբերյալ հարցն էլ ԱԱԾ պետը թողեց անպատասխան։
