Անգիտակից վիճակում հայտնաբերված քաղաքացին հոսպիտալացվել է Մեծամորի ԲԿ
Սեպտեմբերի 12-ին, ժամը 11:52-ին «911» ծառայությանն ահազանգ է ստացվել, որ Արմավիրի մարզի Մեծամոր քաղաքի 1-ին թաղամասի թիվ 4բ շենքի բնակարաններից մեկի բնակիչը չի արձագանքում դռան թակոցներին. անհրաժեշտ է փրկարարների օգնությունը:
Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Փրկարարները բացել են բնակարանի դուռը, անկողնում անգիտակից վիճակում հայտնաբերել Վ. Ք.-ին (ծնված 1949 թ.) և մոտեցրել շտապօգնության ավտոմեքենային: Քաղաքացին հոսպիտալացվել է Մեծամորի ԲԿ:
