Հեռախոսով տարված կինը չի նկատել, որ դուստրը խեղդվում է
Չինաստանի Ֆուչժոու քաղաքում (Ֆուցզյանի նահանգ) մայրը մեկ րոպեից ավելի չի նկատել, որ իր դուստրը խեղդվում է լողավազանում: Այդ մասին հայտնել է Daily Mail հրատարակությունը:
Մեկ տարեկան աղջնակին լողավազան էին տարել ծննդյան օրվա կապակցությամբ: Երբ նրա մայրն ուշադրությունը կենտրոնացնում է շարժական հեռախոսի վրա, փրկագոտին մանկան հետ միասին շրջվում է, եւ երեխայի գլուխը հայտնվում է ջրի տակ:
Կինը տեքստային հաղորդագրություն էր գրում եւ չի նկատել՝ ինչ է պատահել: Նրա ուշադրությունը փորձել է հրավիրել մյուս երեխան, բայց մայրը ձեռքով վանել է նրան: Լողավազանի աշխատակիցն այդ պահին բացակայում էր, եւ այլ մեծահասակներ այնտեղ չեն եղել:
Գրեթե մեկուկես րոպե անցնելուց հետո է կինը հասկացել, որ դուստրը խեղդվում է: Նա ջրից դուրս է բերել նրան եւ փորձել է արհեստական շնչառություն տալ, այնուհետեւ արագ հեռացել է:
20 րոպե անց մայրը երեխային հիվանդանոց է բերել: Այդ ժամանակ աղջիկը չէր շնչում, նրա սիրտը կանգ էր առել: Բժիշկներին հաջողվեց վերակենդանացնել նրան, սակայն նա այդպես է գիտակցության չեկավ:
Երեխան օրհասական վիճակում մնում է հիվանդանոցում: Լողավազանի մենեջերը առաջարկել է վճարել բժշկական ծախսերի մի մասը:
