Ինչպես են փրկել ձյութի տակառն ընկած շանը
Փողոցային շունն ընկել է ձյութով լի տակառի մեջ եւ այնտեղ մնացել մի քանի օր՝ գրեթե ամբողջովին քարանալով, բայց վերջին պահին նրան փրկել են կամավորները: Այս սարսափազդու միջադեպը տեղի է ունեցել Հնդկաստանի Ուդայփուր քաղաքում՝ մոտավորապես մեկ տարի առաջ: Անցորդները պատահաբար վնգստացող փողոցային շուն են գտել մետաղյա տակառում:
Նա կարծրացած ձյութով ամուր կպել էր տակառի պատերին եւ չէր կարողանում շարժվել: Երբ պարզ դարձավ, որ առանց հատուկ միջոցների կենդանուն հանել չի հաջողվի, օգնության համար դիմեցին անտուն շների փրկությամբ եւ բուժմամբ զբաղվող Animal Aid Unlimited կազմակերպության կամավորներին:
