Հայաստանի նախագահը մեծ մարդ է, մեծ փորձով. Վենեդիկտով
Эхо Москва-ի գլխավոր խմբագիր Ալեքսեյ Վենեդիկտովը օրերս այցելել է Հայաստան և իր հաղորդման շրջանակում պատմել այցի մասին:
Նա ասել է, որ զրուցել է ՀՀ վարչապետ Նիկոլ Փաշինայնի հետ և հանդիպել ՀՀ նախագահ Արմեն Սարգսյանի հետ:
«Գիտեք, այդ` բացառապես տարբեր ջենտլմենները` նախագահը և վարչապետը, նրանք բովանդակալից մարդիկ են: Մենք հասկանում ենք, որ այնտեղ ամեն դեպքում խորհրդարանական հանրապետություն է, և ըստ Սահմանադրության` վարչապետը ավելի ուժեղ է, սակայն ինձ թվաց, որ նա մեծ մարդ է, մեծ փորձով»,- նշել է Վենեդիկտովը` նկատի ունենալով Արմեն Սարգսյանին:
Նա նաև պատմել է, որ ցանկանում էր զրուցել Սերժ Սարգսյանի, կաթողիկոսի և Ռոբերտ Քոչարյանի հետ, սակայն որոշ պատճառներով չի ստացվել:
Վենեդիկտովը հավելել է, որ մտադիր է ևս մեկ անգամ այցելել Հայաստան:
