«Չեմ կարծում՝ Նիկոլ Փաշինյանն ավելորդ անգամ կգնա ռուսներին կարմիր բան ցույց տալու». Կարեն Քոչարյան
Քաղտեխնոլոգ Կարեն Քոչարյանը գտնում է՝ առաջիկա արտահերթ խորհրդարանական ընտրություններին «Քաղաքացիական պայմանագիր» կուսակցությունը միայնակ կմասնակցի: Այսօր լրագրողների հետ հանդիպման ժամանակ խոսելով Երևանի ավագանու ընտրությունների մասին՝ Կ. Քոչարյանը նշեց, որ անհասկանալի կլինի, որ հիմա ՔՊ-ն «Ելքով» մասնակցի այդ ընտրություններին, իսկ խորհրդարանականին՝ միայնակ:
«Էդմոն Մարուքյանը և Արամ Սարգսյանն ընդգծված արևմտամետներ են ու չեն հրաժարվելու դրանից, ու չեմ կարծում՝ Նիկոլ Փաշինյանն ավելորդ անգամ կգնա ռուսներին կարմիր բան ցույց տալու, եթե գնա «Ելքով», կստացվի՝ գնում են ընդգծված արևմտամետներով, ու ռուսների հետ բանակցությունները ջուրը կլցվի: Այլ բան է, որ ԱԺ ընտրություններից հետո մյուս երկու ուժերի հետ իշխանական կոալիցիա կազմեն, դա այլ խնդիր է»,- նշեց քաղտեխնոլոգը:
Կ. Քոչարյանը գտնում է՝ ՔՊ-ն «Ելքո՞»վ կգնա խորհրդարանական ընտրություններին, թե՞ առանձին, միևնույն է, կհաղթի, ու դա պայմանավորված կլինի Նիկոլ Փաշինյանով:
