«Ամեն ինչ պետք է անենք, որ 1996 թվականից հետո առաջին անգամ լինեն ազատ ու արդար ընտրություններ». Սուրեն Պապիկյան
«Այլևս չի լինելու Հայաստանում, որ ինչ-որ մեկը ինչքան ուզի, էնքան խփի: Նման բան այլևս Հայաստանում բացառվում է: Եվ մենք մեր բոլոր հնարավոր միջոցներով պետք է ամեն ինչ անենք, որ ապագա խորհրդարանական ընտրությունները հասցնենք էն փուլին, որ 1996 թվականից հետո առաջին անգամ լինեն ազատ ու արդար ընտրություններ»,- այսօր ԱԺ-ում լրագրողների հետ զրույցում հայտարարեց ՀՀ տարածքային կառավարման և զարգացման նախարար Սուրեն Պապիկյանը` խոսելով ընտրությունների մասին:
Ըստ նրա` ընտրությունների ազատ ու արդար անցկացման առումով կարևոր է իր ղեկավարած գերատեսչության դերը, իսկ մարզպետները չպետք է միջամտեն ընտրությունների ընթացքին ու արդյունքներին.
«Մեր կառավարությունը տրամադրված է շատ ամուր և մենք բոլոր քայլերը պետք է անենք, որ ունենանք ազատ, արդար, քաղաքացու կամքն արտահայտող ընտրություններ և արդյունքներ»:
