Արտահերթ ընտրություններին Նիկոլ Փաշինյանի հետ դաշինքով գնալու տարբերակ դեռևս չի քննարկվել
«Մենք գնալու ենք արտահերթ խորհրդարանական ընտրությունների, ինչպես միշտ ունենալով ամենաբարձր նշաձողը՝ հավակնել ու ստանալ մեր հայրենակիցների ձայների բացարձակ մեծամասնությունը: Անգամ առանց ռեյտինգային ընտրակարգի մենք հավակնում ենք ստանալ բացարձակ մեծամասնությունը»,- այսօր Աժ-ում լրագրողների հետ զրույցում հայտարարեց «Ծառուկյան» խմբակցության պատգամավոր Նաիրա Զոհրաբյանը` նշելով, որ ԲՀԿ-ն պատրաստ է արտահերթ ընտրությունների և՛ վաղը, և՛ աշնանը, և՛ հաջորդ տարի գարնանը:
Ըստ նրա` ընտրություններին Նիկոլ Փաշինյանի հետ դաշինքով գնալու տարբերակ դեռևս չի քննարկվել. «Միայն համագործակցության խնդիրներ ենք քննարկել»:
Ներկայումս ԲՀԿ-ն ակտիվ աշխատանքներ է իրականացնում իր տարածքային կառույցներում փոփոխություններ իրականացնելու ուղղությամբ:
