ՀՀԿ-ն վարչապետի թեկնածու չի առաջադրելու. Շարմազանով (ուղիղ)
Հանրապետական կուսակցությունը որոշել է վարչապետի թեկնածու չառաջադրել։ Այս մասին քիչ առաջ հայտարարեց ՀՀԿ խոսնակ, Աժ փոխնախագահ Էդուարդ Շարմազանովը։
«Մենք չունենք հայրենիք, որ տանենք ցնցումների։ Սա գիտակցված որոշում է, որի հիմքում ընկած է ներքին կայունությունը և Արցախի անվտանգությունը»,- հայտարարեց Է.Շարմազանովը՝ հրաժարվելով ապագա զարգացումների վերաբերյալ կանխատեսումներ անել։
Նա հաստատեց ավելի վաղ արված հայտարարությունները, որ խմբակցությունը միասնական է քվեարկելու։ Իսկ թե ո՞ւմ օգտին, Է.Շարմազանովը նշեց, որ դա կախված կլինի առաջադրված թեկնածուներից և նրանց ներկայացրած ծրագրերից։
