Հաշմանդամության կենսաթոշակ նշանակելու չափորոշիչները փոխվելու են. բունտ է հասունանում. «Փաստ»
«Փաստ» թերթը գրում է. «Հայաստանում 100 հազարից ավելի մարդ հաշմանդամության կենսաթոշակ է ստանում: Նրանցից 70 հազարը ցմահ թոշակ ստացողներն են, իսկ մնացածը ամեն տարի բուժզննում անցնողները:
«Փաստ» թերթի աղբյուրների վկայությամբ, աշխատանքի և սոցիալական հարցերի նախարարությունը կառավարությանն է ներկայացնելու նախագիծ, որով փոխվում են հաշմանդամության կենսաթոշակ նշանակելու չափորոշիչները:
Բանն այն է, որ դրանք անհամեմատ ավելի խստացվելու են: Մեր աղբյուրի պնդմամբ, նախագիծն ընդունվելու դեպքում (իսկ այն անպայման ընդունվելու է), մոտ տասնհինգ հազար մարդ կզրկվի հաշմանդամության թոշակից:
Սա լուրջ խմորումներ կարող է առաջացնել, հազարավոր հիվանդներ հաշմանդամության կարգ չեն ստանա այլևս: Չի բացառվում, որ այս պատճառով Հայաստանում սոցիալական բունտ սկսվի: Նախագծի նպատակը շատ պարզ է, ուզում են բյուջեի փողերը խնայել»:
Ամբողջությամբ կարող եք կարդալ թերթի այսօրվա համարում:
