«Սա գործընկերային վերաբերմունք չէր». Մանե Թանդիլյանը՝ Արարատ Միրզոյանի և Լենա Նազարյանի ակցիայի մասին
«Ես շատ ավելի կողջունեի, եթե այդ քայլը քննարկված լիներ»,- այսօր Ազգային ժողովում լրագրողների հետ զրույցում ասաց «Ելք» խմբակցության պատգամավոր Մանե Թանդիլյանը՝ խոսելով իր գործընկերներ Արարատ Միրզոյանի և Լենա Նազարյանի ակցիայի մասին:
Մ. Թանդիլյանը նշեց, որ քանի որ ԱԺ-ում հեգնական արտահայտություններ հնչեցին, ինքը կոչ արեց չհեգնել իրավիճակը և ըմբռնումով մոտենալ. «Մենք գործընկերներ էինք ու լավ կլիներ՝ սա քննարկվեր գործընկերների հետ: Սա գործընկերային վերաբերմունք չէր: Մենք պետք է անակնկալի չգայինք դահլիճում»:
