Յուրա Մովսիսյանը կվերադառնա՞. ինչ պայմաններ է ներկայացրել Վարդան Մինասյանը. «Ժամանակ»
«Ժամանակ» թերթը գրում է. «Երեկ ֆուտբոլի Հայաստանի ազգային հավաքականի մարզիչ նշանակվեց Վարդան Մինասյանը: Վերջինիս գլխավորությամբ մեր ազգային թիմը ցույց է տվել իր պատմության լավագույն արդյունքը:
Վարդան Մինասյանը հայտնի է որպես սկզբունքային մասնագետ: Հեռանալուց հետո, չնայած հասարակության պահանջին՝ Մինասյանը հրաժարվում էր կրկին գլխավորել մեր ազգային թիմը:
Կարելի է ենթադրել, որ վերադառնալով ազգային թիմ՝ Մինասյանը իր պահանջներն ու պայմաններն է առաջադրել ՀՖՖ նախագահ Ռուբեն Հայրապետյանին: Իսկ պահանջներն ու պայմաններն առաջին հերթին վերաբերում են աշխատելու լիակատար ազատությանը:
Ըստ էության, ՀՖՖ-ն ընդառաջ է գնացել Մինասյանին: Ըստ մեր տեղեկությունների՝ առաջիկայում Հայաստանի ազգային թիմ կվերադառնա նաև Յուրա Մովսիսյանը»:
Ամբողջությամբ կարող եք կարդալ թերթի այսօրվա համարում:
