ԱԺ հանձնաժողովի նիստը տապալվեց
Այսօր ԱԺ Ֆինանսավարկային և բյուջետային հարցերի մշտական հանձնաժողովի նիստը տապալվեց: Նիստին պատգամավորները ներկայացել էին, սակայն բացակայում էր Կենտրոնական բանկի նախագահի տեղակալ Ներսես Երիցյանը, որն օրակարգում ներառված երկու հարցերով զեկուցողն էր:
Նշենք, որ օրակարգում էին «Ապահովված հիպոթեքային պարտատոմսերի մասին» ՀՀ օրենքում փոփոխություն կատարելու մասին օրինագիծն ու «Ակտիվների արժեթղթավորման և ակտիվներով ապահովված արժեթղթերի մասին» ՀՀ օրենքում փոփոխություններ և լրացումներ կատարելու մասին օրենքների փաթեթը»:
